ПРАКТИКА
Оқу-өндірістік тәжірибе жинақтау
Ұйымдастыру
Педагогикалық тәжірибе білім стандарттарына және мамандықтардың профиліне қарай білім беру мекемелері мен мәдениет саласындағы мекемелерде өткізіледі, сонымен қатар, кәсіптік және техникалық білім берудің заманауи үлгісін құру бағдарламасының жүйелік өзгешеліктеріне сәйкес әлеуметтік серіктестермен қарым-қатынас орнату қолға алынған.
Абай атындағы Жамбыл гуманитарлық жоғары колледжінде тәжірибе жинақтау- білім беру мекемелерімен сабақтастықты дамыта отырып, мамандардың шығармашылық потенциалын арттыру мақсатында өз міндеттерін орындайды. Оқыту, тәрбиелеу, білім беру саласына қызмет көрсету болашақ мұғалімдерді кәсіптік машықтан өткізіп даярлаудың тиімді нысаны болып табылады.
2020 — 2021 оқу жылының басында мемлекеттік стандартқа сәйкес жасалған оқу жоспары негізінде тәжірибе жинақтаудың жылдық жұмыс жоспары жасалып, педагогикалық кеңесте бекітілді.
Педагогикалық тәжірибеден өтетін базалық мектептермен, гминазиялармен, өнер мектептерімен, шеберханалармен, бөбекжай-бақшалармен келісім-шарт жасалып, топтар аталған мекемелерге бекітілді.
Дуалдық оқыту жүйесіне енген «Мектепке дейінгі тәрбие және оқыту» мамандығының 2,3,4 курс білімгерлері үшін үш жақты келісім шарт жасалып, Жамбыл облыстық кәсіпкерлер палатасына тіркелді.
2020-2021 оқу жылында ұйымдастырылған кәсіптік практика «Коронавирустық инфекцияның таралуына байланысты шектеу шаралары кезеңінде білім беру ұйымдарында оқу процесін іске асыру жөніндегі әдістемелік ұсынымдарды бекіту туралы» Қазақстан Республикасы Білім және ғылым министрінің 2020 жылғы 13 тамыздағы №345 бұйрығы негізінде жүзеге асырылды.Заңда көрсетілген ұсынымдар негізінде кәсіптік практика педагогикалық және өнер мамандықтары негізінде онлайн- қашықтықтан ұйымдастырылды. Тәжірибенің сапасын арттыру және білімгерлердің болашақта сұранысқа ие бола білу мүмкіндіктерін дамыту мақсатында оқу – перспективтік жоспарлар, яғни, оқытушы- әдіскерлердің өтетін тақырыптары бағдарлама бойынша жасалып, студенттердің тақырып негізінде білімдерін тереңдетуіне мүмкіндік жасалды. Ол үшін колледж әкімшілігі келісім шартқа отырған әлеуметтік серіктесіміз- жұмыс беруші Тараз қаласы әкімдігінің білім бөлімінің Жамбыл атындағы №5 мектеп-гимназиясының тақырыптық жоспарлары мен бағдарламалары негізінде оқу перспективтік жоспар дайындап, педагогикалық кеңесте бекітілген құжат негізінде ұйымдастыруды қолға алды. Өтілетін тақырыптар білімгерлерге алдын-ала беріліп, дайындық жұмыстарын жүргізуге мүмкіндік берілді. Болашақ мамандарымыздың келешекте ұстаз болатындығын ескерсек, кәсіптік практиканың сапалы ұйымдастырылу керектігін ұйғарған колледж әкімшілігі тәжірибе барысында онлайн түрдегі іс-шаралардың нәтижесін әлеуметтік желілерге жариялап, студенттермен жүргізілген жұмыстарды саралап отырды.
ІІ. Тәжірибе жинақтау жұмыстары
Кәсіптік практика Мемлекеттік жалпыға міндетті білім беру стандарты талаптарына сәйкес ұйымдастырылады және мамандықтар бойынша кәсіптік біліктілік деңгейге байланысты төмендегі түрлері жүргізіледі:
Оқу практикасы
- Сыныптан тыс жұмыс технологиясы
- Білім алушының таңдау пәні бойынша практика
- Жаратылыстану пәні бойынша практика
- Байқау практикасына дайындық
- Жазғы практикаға дайындық
- Баланың мектептегі алғашқы күндері
- Интернетпен жұмыс
- Дипломалды практикасына дайындық Педагогикалық практика
1. Сыныптан тыс жұмыс технологиясы
2.Білім алушының таңдау пәні бойынша практика
3.Мектептегі байқау практикасы
4.Сауықтыру лагеріндегі жазғы практика
Дипломалды практикасы
2020 – 2021 оқу жылында «Білім алушының таңдау пәні», «Сыныптан тыс тәрбие технологиясы», «Байқау тәжірибесіне дайындық», «Интернетпен жұмыс», «Диплом алдындағы тәжірибеге дайындық», «Жұмысшы мамандық бойынша оқу практикасы», «Білім алушының таңдау пәні» оқыту семинарлары кесте негізінде карантиндік шараларды ескере отырып, онлайн түрде жүргізілді. Аталған практика түрлері бойынша бағдарламалар дайындалды, әдіскерлер практика кестесін даярлап, Жамбылтипо сайтына практика кестесі салынып, үй жұмысы мен класс жұмыстары алдын- ала зерделенді.
Оқу тәжірибесі кезінде пәндер бойынша күнтізбелік-тақырыптық жоспарлар, әдіскердің жетекшілігімен сабақ және сыныптан тыс жоспарларды, тәрбие шараларын дайындап, алдын-ала тәжірибе күнделігін, сыныпты, білім алушы тұлғасын диагностикалау материалдарын дайындады.
«Кәсіби білім беру жүйесін WorldSkills стандарты деңгейінде дамытуда инновациялық шарттарды жүзеге асыру» тақырыбында ОНЛАЙН – КОНФЕРЕНЦИЯ
2020 жылы 29 желтоқсанда Абай атындағы Жамбыл гуманитарлық жоғары колледжі мен Жамбыл облысы әкімдігінің білім басқармасының «Техникалық және кәсіптік білім беруді дамыту орталығының» ұйымдастыруымен «Кәсіби білім беру жүйесін WorldSkills стандарты деңгейінде дамытуда инновациялық шарттарды жүзеге асыру» тақырыбында ОНЛАЙН – КОНФЕРЕНЦИЯСЫ өтті.
Конференция барысында «Бастауыш білім беру», «Мектепке дейінгі тәрбие және оқыту» құзыреттіліктері бойынша 2018 жылы Ресей елінің Челябинск қаласында өткен World Skills бағдарламасы бойынша колледждің оқытушылары Ж.Алимбаева мен Р.Тағашбаева тәжірибеден өтіп, облыс көлеменіде бас экперттер ретінде чемпионат ұйымдастыру, World Skills стандарты негізінде студенттердің құзыреттіліктерін нақтылайтын демонстрациялық емтихан ұйымдастыру жөнінде ақпараттарымен бөлісті, педагогика пәнінің оқытушысы Л.Қасымова колледжде ұйымдастырылған облыстық чемпионаттың бағдарламасын, тәртібін баяндады. Сонымен қатар конференцияға колледжде ұйымдастырылған чемпионаттың жүлдегерлері «Бастауыш білім беру» мамандығының студенті А.Гусева чемпионаттан алған әсерлері мен алған тәжірибесінің маңыздылығына тоқталса, «Мектепке дейінгі тәрбие және оқыту» мамандығының студенті А.Рахметұлла ертегіні демонстрациялау арқылы балаларға бірлік, татулық құндылықтарына тәрбиелеу жолдарын көрсетті.
«Дуальды оқыту жүйесіндегі тәлімгерлік жұмыстың қажеттілігі»
28.01.2021 жылы «Дуальды оқыту жүйесіндегі тәлімгерлік жұмыстың қажеттілігі» тақырыбында директордың оқу-өндірісі жөніндегі орынбасары Н.Ә.Жақсымбетова, «Мектепке дейінгі педагогика»ПЦК меңгерушісі З.Б.Серикова, ПЦК оқытушылары Ж.Ж.Алимбаева, Г.А.Жумабаева онлайн-педагогикалық тәжірибе алмасу ұйымдастырды.Қашықтықтан оқыту барысында дуальды оқыту жүйесін жүзеге асыру үшін тәлімгерлердің жұмыстары тәжірибе алмасу негізінде көрсетілді. Тәжірибе алмасуға әлеуметтік серіктестеріміз №19 бөбекжай-бақшасының тәрбиешісі Ж.К.Дарибаева, №26 бөбекжай-бақшасының тәрбиешісі Х.А.Молдабекова, №28 бөбекжай-бақшасының тәрбиешісі С.Т.Бейбітова, №15 бөбекжай-бақшасының тәрбиешісі К.С.Жуматаева, 17 бөбекжай-бақшаларының тәрбиешілері болашақ мамандарды онлайн оқытуда сапалы даярлау жолдарын ұсынды. Іс-шара әлеуметтік серіктестікті нығайту мақсатында өтіп, дуальды оқытуды ұйымдастыру қағидаларын негізге алу, кәсіптік практиканың міндеттерін жүзеге асыруда студенттерге кәсіби бағдар беру, онлайн оқыту барысында тәлімгерлік жұмыстың мазмұнын анықтау міндеттері жүзеге асырылды.
Мектепке дейінгі тәрбие мен оқыту мазмұнын іске асырудың негізгі бағыттары»
Қаңтардың 30 жұлдызында «Мектепке дейінгі тәрбие мен оқыту мазмұнын іске асырудың негізгі бағыттары» тақырыбында семинар практикум ұйымдастырылды. Семинар практикумда мектепке дейінгі ұйымдарда оқыту мен тәрбиелеуде жаңартылған білім беру мазмұнының жеке тұлғаның дамуына әсер ететін тиімді жолдарын қарастыру, стратегиялық серіктестікті жүзеге асыру мақсатында тәжірибе алмасу, пікірлер бөлісу нақты жолға қойылды. Іс шараға бөбекжай-бақшаларының әдіскерлері мен «Мектепке дейінгі тәрбие және оқыту» мамандығының 3-4 курс студенттері қатысты. №15 балабақша әдіскер Кокаева Айнұр Әмзебековна «Мектепке дейінгі ұйымдағы заманауи интеллектуальдық дамыту ойындары» тақырыбында ақпараттармен бөлісіп, қандай бағытта жұмыс жасап жатқаны туралы айтып өтті. №19 балабақша әдіскері Айдарбаева Айгүл Орынбайқызы «Мектепке дейінгі мекемедегі балалардың құзіреттілігін дамытуда қолданылатын әдіс-тәсілдер» тақырыбында жүргізіліп жатқан жұмыстарын студенттерге насихаттады. «Мектепке дейінгі тәрбие және оқыту» мамандығының 3 курс студенті Бөркеева Аяулым бейнелеу терапиясы «Сиқырлы қар», 4 курс студенті Асылбекова Әсел «Асық терапиясы» ойын технологиясын мектеп жасына дейінгі балалармен жүргізілетін жұмыстарын практикалық түрде демонстрациялады.
«Үздік тәлімгер-2020» әлеуметтік серіктестермен мен колледждердің бірлескен облыстық байқау
Техникалық және кәсіптік білім беруді дамыту орталығының ұйымдастыруымен «Үздік тәлімгер-2020» әлеуметтік серіктестермен мен колледждердің бірлескен облыстық байқауына Абай атындағы Жамбыл гуманитарлық жоғары колледжінің дуальды оқыту жүйесіндегі «Мектепке дейінгі тәрбие және оқыту» мамандығының Дш-1-17 тобының 4-курс студенті Бақыт Аида және Тараз қаласы әкіімдігінің №15 бөбекжай-бақшасының тәлімгер ретінде бекітілген тәрбиешісі Исабекова Фарида Айтжанқызы қашықтық форматта қатысты. Байқау барысында тәлімгер мен студент бірлескен шығармашылық және зерттеушілік жұмыстарын, дуальды оқытудың ерекшелігін төрт бөлімнен тұратын байқау тапсырмаларын орындады, олар: «Тәлімгер мен студенттің визит карточкасы», «Кәсіби тәжірибе алаңы және инновация» видеоэкскурсия формасында, «Тәлімгердің бір күндік жұмысы» видео, «Нәтижеге бағытталған тәлімгерлік жұмыс» А3 форматта 10 беттік фотоколлаж түрінде ұсынылды. 09.12.20 жылы байқау нәтижесі жарияланып, әлеуметтік серіктестеріміз тарапынан қатыстырған тәлімгер Исабекова Ф.А. және біздің колледжіміздің студенті Бақыт Аида II дәрежелі дипломға ие болды.
Кәсіптік практика бойынша Республикалық «TRAINEE – 2021» байқауынан Ділдебай Аружан жүлделі 3 ші орынға ие болды. Жеткшісі : Алмабаева Алтынай Қуанышқызы.
